S+F: Dormitorio matrimonio lacado e madeira

O dormitorio de S+F non podía ser máis orixinal. Cando nos vimos por primeira vez, falamos de que o dormitorio era pequeno e que non precisaban moito sitio de almacenaxe. Pero estando alí, e facendo uso do metro, vimos que podería coller un dormitorio bastante completo. Falamos de facer un dormitorio " tradicional": armario, mesiñas de noite flotantes con cabeceiro e cómoda. Pero, de repente, viron unha foto en internet, e o deseño cambiou por completo. Unha única estrutura que é armario, cómoda, mesiñas de noite e cabeceiro. E inda por riba, con luz indirecta para non poñer lámpadas.